VaranPhal/वरण फळ

चकोलिया , ज्याला वरण फळ किंवा दाळ ढोकली देखील म्हणतात.

साहित्य :
  • 1 कप गव्हाचे पीठ 
  • 1/2 कप तूर दाळ किंवा मूग दाळ  
  • 1 चमचा मोहरी 
  • 1/2 चमचा जिरे
  • 1 चमचा लसूण आणि आले पेस्ट
  • 1 चमचा धनिया पावडर 
  • 1 चमचा हळद 
  • 2 चमचे खोबरं खिसलेले 
  • 1 चमचा काला मसाला 
  • चवीनुसार मीठ
  • 1 चमचा  तेल. 
  •  कोथिंबीर बारीक चिरलेली
  • पाणी  
  • तुप
कृती :
  1. वरणफळ पीठ तयार कराण्यासाठी एका भांड्यात गव्हाचे पीठ, चिमुटभर मीठ, 1 चमचा तेल आणि पाणी मिसळून चपातीच्या पिठासारखे कणिक माळुन घ्या. 5-10 मिनिटे झाकून ठेवा. 
  2. तोपर्यंत, कुकरमध्ये तूर दाळ आणि पाणी घालुन, 2-3 शिट्या द्या आणि नंतर मंद आचेवर १० मिनिटे ठेवा. 
  3. उकडलेल्या दाळीमध्ये हळद आणि मीठ घाला आणि एकजीव करून घ्या. 
  4. एका भांड्यात तेल गरम करून त्यात मोहरी, जिरे घाला. नंतर लसूण पेस्ट घालावी, लसूण फिकट होईपर्यंत तळा. 
  5. आल्याची पेस्ट, खिसलेले खोबरं आणि काळा मसाला घाला. 
  6. आता शिजलेली दाळ मिक्स करावे आणि एक कप (किंवा जास्त) पाणी घालावे. आणि उकळू द्यावे. 
  7. आता कणकेची चपाती बनवून घ्या आणि सुरीच्या साहाय्याने १*१ इंच चौकोन कापून घ्या. आणि  उकळत्या दळीमध्ये टाका. पुढील 8-10 मिनिटे शिजू द्या. तळाशी चिकटविणे टाळण्यासाठी दरम्यान ढवळत राहा. 
  8. वरून कोथिंबीर आणि तूप टाकुन गरम गरम सर्व्ह करा.