उत्तपा (उत्तपम) | Uttapa (Uttapam) recipe in marathi

उत्तपा (उत्तपम) | Uttapa (Uttapam) recipe in marathi 

साहित्य:

• 1/2 कप उडीद डाळ
• दिड कप तांदूळ
• 1 कांदा
• 1 टोमॅटो
• ब्लॅक पेपर (पर्यायी)
• चाट मसाला (पर्यायी)
• कोथिंबीर
• चवीपुरते मीठ
• तेल

कृती:

• तांदूळ आणि उडीद डाळ पाण्यात साधारण 7-8 तास भिजत घालावे. नंतर मिक्सरमध्ये थोडे बारीक वाटून घ्यावे. मिश्रण एकदम पातळ किंवा घट्टं नसावे. मध्यमसर वाटावे, त्यानुसार वाटताना पाणी घालावे. मिक्सरमध्ये डाळ व तांदूळ वाटताना 1 चमचा मिठ घालावे.

• वाटलेले मिश्रण आंबवण्यासाठी उबदार ठिकाणी किमान 10-12 तास झाकून ठेवावे.
• कांदा, टमाटे, कोथिंबीर, मिरची  या भाज्या बारीक चिरून घ्या. तुम्ही गाजर, शिमला मिरची, कोबी बारीक चिरून त्यात घालु शकता. त्यानंतर त्यात थोडे ब्लॅक पेपर ,चाट मसाला  आणि मीठ घालावे. 

• नॉनस्टीक तवा गरम करावा. 1/2 चमचा तेल घालावे. आंबवलेल्या पिठापैकी 1 पळीभर पिठ तव्यावर घालून थोडे जाडसर पसरवावे. त्यावर चिरलेला कांदा, टोमॅटो, कोथिंबीर आणि मिरची टाकून हाताने किंवा चमचाने भाज्या पीठावर दाबून घ्यावे. 
• मध्यम आचेवर तव्यावर झाकण ठेवून थोडी वाफ काढावी. एक बाजू शिजली कि सावकाशपणे कालथ्याने बाजू पलटावी. दुसरी बाजू शिजू द्यावी. 
• गरम गरम उत्तपा, सांबार आणि चटणीबरोबर सर्व्ह करावे.

Read more Recipes : इडली | आप्पे | तिखट पुऱ्या | समोसा