एग फ्राइड राइस | egg fried rice recipe in marathi

एग फ्राइड राइस | egg fried rice recipe in marathi

साहित्य :

• 1 कप तांदूळ 
• 2 अंडे 
• 1/2 कप कांद्याची हिरवी पात बारीक चिरून
• 1 चमचा सोया सॉस
• 1/2 चमचा काळी मिरी पावडर 
• तेल
• चवीनुसार मीठ 

कृती :

1. तांदुळ स्वच्छ धुऊन किमान ३० मिनिटे पाण्यात भिजवून ठेवावे.
2. तांदळाच्या अडीच ते तीन पट पाणी घ्यावे, त्यात 1/2 चमचा तेल आणि पाऊण चमचा मीठ घालून मध्यम आचेवर गरम करत ठेवावे. पाणी उकळल्यास त्यात तांदूळ घालावे. वरुन झाकण ठेवून तांदूळ शिजू द्यावे. तेलामुळे भात मोकळा होतो. तांदूळ 70 - 80% शिजत आला की गॅस बंद करावा आणि उरलेले पाणी काढून घ्यावे. आणि तयार भात परातीत मोकळा करून थंड करत ठेवावे.
3. एका भांड्यात अंडे फेटून घ्यावीत त्यात मीठ आणि काळी मिरी पावडर टाकावी आणि परत चांगले फेटून घ्यावे 
4. आता एका मोठ्या लोखंडी कढईत किंवा नॉनस्टिक कढईत 1 चमचा तेल गरम करून घ्या. त्यात मग फेटलेली अंडी ओतावीत आणि अंडा भुर्जी सारखे चांगले तळून घ्यावे. नंतर तळलेले अंडे बाजूला काढून ठेवावेत.
5. तीच कढई चांगली तापू द्यावी व त्यात 1 चमचा तेल गरम करून घ्यावे त्यात तयार भात घालावा. त्यात थोडे मीठ आणि सोयासॉस घालावे. मध्यम गॅसवर ठेवून चांगले परतुन घ्यावे. 
6. भात कढईत असताना मध्यम आचेवर भातामध्ये तळलेले अंडे आणि कांद्याची हिरवी पात घालावी व चांगले मिक्स करावे. 2 - 3 मिनीटे परतावे.  एग फ्राइड राइस तयार !!!

Read more Recipes : मेथी ठेपला | व्हाइट सॉस पास्ता | रेड सॉस पास्ता | चीज़ गार्लिक ब्रेड | व्हेज मोमोज