भरली भेंडी | stuffed ladies finger recipe in marathi

महाराष्ट्रीय पाककृती भरली भेंडी

भरली भेंडी | stuffed ladies finger recipe in marathi

साहित्य:

• पाव किलो भेंडी
• 1/2 कप शेंगदाण्याचे कुट 
• 1/2 कप किसलेले खोबरे 
• 4 चमचे तीळ 
• 1 चमचा लसूण बारीक चिरलेले 
• 1 चमचा आद्रक बारीक चिरलेले 
• 1 चमचा जिरेपूड
• 1 चमचा धणेपूड
• 1 चमचा गरम मसाला 
• 1/4 चमचा हळद
• 1 चमचा लाल तिखट
• 1/4 चमचा हिंग
• चवीपुरते मिठ
• तेल 

कृती:

• भेंडी स्वच्छ घुवून, पुसून घ्यावी. भेंडीची देठं कापून घ्यावे. प्रत्येक भेंडीला एका बाजूने चिर द्यावी पण दोन तुकडे करू नयेत.
• किसलेले खोबरे आणि तीळ भाजून घ्यावे 
• एक भांड्यात भाजलेले खोबरे आणि तीळ, शेंगदाण्याचे कुट, लसुन ,आद्रक, जिरेपूड, धणेपूड, गरम मसाला, हळद, लाल तिखट, चवीपुरते मिठ आणि हिंग एकत्र मिसळुन त्यात थोडे पाणी टाकुन एकजीव करुन घ्यावे. 
• हे तयार मिश्रण प्रत्येक भेंडीमध्ये भरावे. अशाप्रकारे सर्व भेंडी तयार कराव्यात. उरलेला मसाला नंतरच्या वापरासाठी ठेवून द्यावा.

• नॉनस्टिक पॅन गरम करावा. त्यात ३ टेस्पून तेल घालून गरम होवू द्यावे. नंतर त्यात भरलेली भेंडी घालावी. हलक्या हाताने, भरलेला मसाला बाहेर पडू न देता मिक्स करावे. ज्यामुळे तेल सर्व भेंडीला लागेल. गॅस एकदम मंद ठेवावा आणि वरून झाकण ठेवून भेंडी शिजू द्यावी. दर तीन ते चार मिनीटांनी भाजी हलक्या हाताने ढवळावी.
• भेंडी शिजत आली कि उरलेला मसाला गरजेनुसार घालावा (हे पर्यायी आहे).

गरम गरम भरली भेंडी चपातीबरोबर सर्व्ह करावी.

Read more Recipes : कोल्हापुरी कटवड़ा | तिखट पुऱ्या | उत्तपा  | वडापाव | मठ्ठा