व्हेज मंचुरियन पाककृती | Veg Manchurian recipe in marathi

व्हेज मंचुरियन पाककृती मराठीमध्ये - 

साहित्य : 

• दीड वाटी किसलेले किंवा बारीक चिरलेले कोबी 
• १/२  वाटी गाजर किसलेले 
• १ लहान कांदा बारीक चिरलेला
• १ चमचा मक्याचे पीठ (कॉर्नफ्लोअर)
• २ चमचे मैदा 
• १/२ चमचा लसुण पेस्ट 
• २ हिरव्या मिरच्या बारीक चिरलेल्या 
• चवीनुसार मीठ 
• तेल तळण्यासाठी 

ग्रेव्हीसाठी लागणारे साहित्य:

• ३-४ मिरच्या 
• ५-६ लसूण पाकळ्या 
• १ चमचा टोमॅटो सॉस 
• १/२ चमचा सोया सॉस 
• १/२ चमचा चिली सॉस (आवडीनुसार)
• १/२ चमचा आले पेस्ट 
• १/२ चमचा मक्याचे पीठ (कॉर्नफ्लोअर)
• १/२ वाटी पाणी 
• १ चमचा तेल 
• चिमूटभर साखर 
• चवीनुसार मीठ 

सजावटीसाठी:

• बारीक चिरलेला पातीचा कांदा 
• बारीक चिरलेली कोबी 

कृती :

1. किसलेला किंवा बारिक चिरलेला कोबी,  गाजर,  कांदा, कॉर्नफ्लोअर, मैदा, लसुण पेस्ट, मिरची आणि चवीनुसार मीठ एकत्र करावे.
2. मिश्रणामध्ये असणार्‍या भाज्यांना पाणी सुटते, त्यामूळे मिश्रणात पाणी घालू नये.
3. मिश्रणाचे लहान - लहान गोळे करावे. कढईत तेल गरम करून त्यात गोळे सोनेरी रंगाचे होईपर्यंत तळून घ्यावेत. गोळे मध्यम आचेवर तळून घ्यावेत.
4. आता ग्रेव्हीसाठी एका कढईत तेल गरम करून घ्यावे. त्यात लसुण, मिरची, सोया सॉस, टोमॅटो सॉस, चिली सॉस आणि आले पेस्ट घालून मिश्रण मोठ्या आचेवर शिजवून घ्यावेत.
5. 1 वाटी पाण्यात  1/2 चमचा कॉर्नफ्लोअर एकत्र करून वरील मिश्रणात घालावे. मिश्रण उकळले की त्यात साखर, चवीनुसार मीठ आणि कोथिंबीर घालावे. आणि ग्रेव्ही 2 मिनीट मध्यम आचेवर शिजवून घ्यावे.
6. आता तयार केलेले मंचुरियन गोळे ग्रेव्हीमधे घालून 2-3 मिनीट शिजवावे. 
7. सेव्हिंग प्लेट मधे तयार गरम गरम मंचुरियन गोळे घेऊन त्यावर ग्रेव्ही, बारीक चिरलेला पातीचा कांदा आणि बारीक चिरलेली कोबी घालावी.